Familjarët e dy vëllezërve që vdiqën në aksidentin në Luksemburg: Ardhja e kufomave mund të marrë kohë, do iu njoftojmë për detajet e varrimit

Të martën e dy shtatorit një aksident i rëndë i mori jetën tre të rinjëve kosovarë në Luksemburg, shkruan GazetaDemos

Ukë e Ujkan Bajraktaraj, bashkë me Edonik Kastratin ishin nisur në një festë ditëlindje kur u aksidentuan për vdekje me një furgon.

Familjarët e dy djemve Bajraktaraj, kanë thënë se dy djemtë do të varrosen në Kosovë, teksa ardhja e kufomave mund të merr kohë.

“I’u njoftojmë, se ardhja e kufomave në vendlindje mund të marrë kohë disa ditë apo javë, kështu që ne si familjarë do të ju informojmë sapo te kemi mundesi te caktojme ditën dhe kohen e varrimit”, thuhet në njoftimin e familjes Bajraktaraj.

Postimi i plotë:

Njoftim nga familja Bajraktaraj, Isniq

Duke iu falënderuar për ngushëllimet dhe mesazhet e panumërta që na kanë ardhur deri tani me rastin e vdekjes tragjike para pak ditësh në Luksemburg, të dy më të dashurve tonë, Ukë dhe Ujkan Bajraktaraj, nga Isniqi, dhe interesimit të madhe qe te ndajnë dhimbjen me ne,

I’u njoftojmë, se ardhja e kufomave në vendlindje mund të marrë kohë disa ditë apo javë, kështu që ne si familjarë do të ju informojmë sapo te kemi mundesi te caktojme ditën dhe kohen e varrimit.

Me respekt dhe falënderim,

Familja Bajraktaraj,

Isniq, Deçan.