Gjatë natës së 19 nëntorit 2026, si pasojë e erërave të forta, Fidanishtja “AgroBesi SHPK” në Ferizaj ka pësuar dëme të konsiderueshme materiale.
Siç njoftojnë nga fidanishtja, nga moti i lig është shembur një serre, si dhe është dëmtuar folia kryesore mbuluese në të gjitha serrat, duke rrezikuar edhe prodhimin bujqësor.
Pronari i fidanishtes, z. Dursim Karalija, për GazetënDemos, është shprehur i tronditur nga dëmet e papritura, të cilat sipas tij përbëjnë një goditje të rëndë për veprimtarinë e biznesit.
“AgroBesi SHPK i drejtohet Ministrisë së Bujqësisë me kërkesë për daljen e komisionit përkatës në terren, evidentimin dhe vlerësimin e dëmeve, si dhe shqyrtimin e mundësisë së kompensimit të tyre”, tha fidanishtja.







