Familja e punëtorit të KEK-ut që vdiq sot del me njoftim: Nesër i jepet lamturmira e fundit

Nesër do t’i jepet lamtumira e fundit punëtorit të KEK-ut, Migjen Sadiku, i cili vdiq sot tragjikisht në vendin e punës.

Lajmin e kanë konfirmuar familjarët e viktimës, me çrast u bë e ditur se ceremonia do të bëhet nesër në ora 16:00, në varrezat e fshatit Sibofc, Komuna e Obiliqit.

“Ju njoftojmë të gjithë miqtë dhe familjarët se sot, si pasojë e një aksidenti në vendin e punës, ka ndërruar jetë daja ynë, Mixhen Sadiku. Varrimi i të ndjerit do të bëhet nesër në ora 16:00, në varrezat e fshatit Sibofc, Komuna e Obiliqit. Me dhimbje të thellë, Familja Sadiku”, thuhet në njoftim.

Me njoftim ka dalë edhe Sindikata e Re e KEK-ut, ku shprehën ngushëllime për familjen e kolegut të tyre.

“Me pikëllim të thellë njoftojmë opinionin se sot, kolegu ynë Mixhen Sadiku, punëtor në Departamentin e Sigurisë Fizike në KEK, ka humbur jetën tragjikisht si pasojë e një incidenti të ndodhur në Termocentrali Kosova B.

Sindikata e Re e KEK-ut shpreh ngushëllimet më të sinqerta familjes së të ndjerit, si dhe gjithë kolegëve dhe bashkëpunëtorëve”, tha Sindikata e KEK-ut.