Fajdexhiu që kreu vrasjet në Gjilan, dikur nën shoqërinë e figurave të larta shtetërore

Një ngjarje tragjike ndodhi sot në orën 12:32, në rrugën “Ibrahim Rugova” në Gjilan, ku brenda një kafeneje dy të shtënat çuan në vrasjen e dy personave dhe plagosjen e dy të tjerëve.

Siç raportohet, viktimat janë babë e bir, Selami Hasani dhe Edmond Hasani, të njohur si argjendarë në Gjilan, dhe dyshohet se u vranë nga persona të përfshirë në fajde.

Ndërkaq është raportuar gjithashtu se ka vdekur edhe personi i tretë që ishte i plagosur rëndë.

I dyshuari për vrasjen është Mefail Shkodra, i cili aktualisht ndodhet në arrati.

I njëjti ishte parë në shoqëri të kryeministrit në detyrë, Albin Kurti, presidentes Vjosa Osmani , zotërisë së parë, Prindon Sadriut si dhe kryetarit të Prishtinës, Përparim Rama.