Ekuipazhi i Artemis II arrin në Hënë, i largohen tokës ende më shumë sesa Apollo 13 më 1970

Ekuipazhi i Artemis II do të fluturojë sot rreth anës së pasme të Hënës, duke arritur distancën më të madhe nga Toka të regjistruar ndonjëherë nga njerëzit dhe duke thyer rekordin e Apollo 13.

Gjatë misionit, ata do të fotografojnë zona të panjohura më parë të Hënës dhe do të kalojnë rreth 4,000 milje mbi sipërfaqen e saj në pikën më të afërt.

“Po shkojmë më larg se kurrë më parë Sot, ekuipazhi i Artemis II do të fluturojë rreth anës së pasme të Hënës. Ky udhëtim do t’i çojë ata më larg nga Toka se çdo njeri deri më sot, duke thyer rekordin e vendosur nga Apollo 13 në vitin 1970. Ndërsa kalojnë rreth Hënës, ata do të bëjnë foto të pjesëve të saj që nuk i ka parë më parë njeriu. Në pikën më të afërt, do të kalojnë rreth 4,000 milje mbi sipërfaqen e Hënës”, thuhet në njoftimin e bërë në faqen zyrtare të NASA.

Dubai mes frikës dhe zhvillimit, një qytet që nuk ndalet

Zyrtarët thanë të dielën se misioni është një hap kyç drejt një pranie njerëzore afatgjatë përtej Tokës.

“Shpresoj që njerëzit të thonë se kjo bëri të mundur një prani të vazhdueshme në Hënë, se ne tani jetojmë dhe punojmë rregullisht në Hënë pas 50 vitesh”, tha Drejtori i Fluturimit të Ngjitjes Artemis II, Judd Frieling.

“Ekuipazhi ndihet mjaft mirë këtu lart në rrugën tonë për në Hënë. Njerëzimi ka treguar edhe një herë se çfarë është i aftë të bëjë”, deklaroi astronauti Jeremy Hansen.