Kandidati i Aleancës, Bajram Mulaj i cili në garën për deputet garon me numër 98, ka krituar qeverisjen e Vetëvendosjes, duke i dhënë theks edhe raporteve të tyre me konkurrentë.
Mulaj vlerëson se në skenën politike shqiptare duhet të mbizotërojë gjuha bashkëpunuese, dhe të vlerësohen kontributet e gjithsecilit në shtetndërtim.
I njëjti gjeti rastin të tregojë një histori me ish-deputeten e VV-së, Fitore Pacolli, ku pas një takimi në Konsullatën e Kosovës në Cyrih të Zvicrës, e njëjta kishte mohuar si i njer vëllezërit Pacolli, për të cilët Mulaj tregoi respekt të veçantë, sidomos në kontributet e tyre në humanizëm.
“Një rast kur Fitore Pacolli ka qenë opozitë. Në Konsullatën e Kosovës në Cyrih të Zvicrës, me një rast, ajo eskaloi. Ne i bënim nderë pasi ishte si institucion i Kosovës, si deputete e Kuvendit të Kosovës dhe ajo na kthente me të keq.
E pyeta, a e njeh Behxhet Pacollin, Selimin, tha nuk i njoh fare ata. Ajo kur nuk e njeh vëllain e vet, kur nuk e njeh një humanist si Behxhet Pacolli, çfarë domethënie ka… e shan vëllaun e vet, e fyen vëllaun e vet”, tha ai për GazetënDemos.
Mulaj në fund deklaroi se uron që uniteti mes shqiptarëve të ruhet e të rritet, teksa shpreson që gjuha e urrejtjes e gjuha fyese të jenë sa më larg.
