Albelard Tahiri: Presidenti më dërgoi të fala për qytetarët në shesh: Drejtësia do të triumfojë

Albelard Tahiri ka reaguar pas vizitës së tij në Hagë, duke rrëfyer takimin me Presidentin Hashim Thaçi pas vendimit të Gjykatës Speciale.

Tahiri ka thënë se këtë herë udhëtimi drejt Hagës ishte ndryshe, pasi u mërzit shumë kur e takoi Thaçin pas vendimit.

Megjithatë, sipas tij, Thaçi ishte i qetë, i fortë dhe i sigurt se drejtësia do të triumfojë dhe se Apeli do ta korrigjojë atë që Tahiri e cilëson si padrejtësi.

“Ai ju dërgon të fala nga zemra, secilit prej jush që jeni në sheshin e Prishtinës dhe që u bëtë zëri i fuqishëm kundër padrejtësisë”, ka shkruar Tahiri.

Ai ka falënderuar qytetarët për qëndresën dhe solidaritetin.

“Drejtësi për çlirimtarët!”, përfundon reagimi i tij.