Një person në Obiliq ka vdekur pasi derisa ishte duke punuar afër mikserit të betonit, ka pasur kontakt me rrymën.
Lajmin e ka konfirmuar Policia e Kosovë, duke bërë të ditur se i njëjti pas lëndimeve ishte dërguar në QKUK, ku nga stafi mjekësor është njoftuar vdekja e tij.
“TRUP I PA JETË- Obiliq 19.11.2025 – 13:30. Raportohet se viktima mashkull kosovar, derisa ka qenë duke punuar afër mikserit të betonit, dyshohet se ka pasur kontakt me rrymën. Si pasojë i njëjti ka pësuar lëndime trupore dhe është dërguar në QKUK, mirëpo nga stafi shëndetësor është konstatuar se i njëjti është pa shenja jete. Me vendim të prokurorit, trupi i pajetë u është liruar familjarëve.”