Kryetari i Sindikatës së Korporatës Energjetike të Kosovës, Xhelal Jashari, ka dhënë detaje lidhur me incidentin e r ëndë ku vdiq një person.
Ai ka treguar se viktima e kësaj ngjarje është 55-vjeçari, punëtor në KEK, Migjen Sadiku.
Sipas Jasharit, viktima punonte në departamentin e sigurisë fizike.
Ai tha se lajmin fillimisht e morën për një incident në Termocentralin Kosova B, dhe më pas kuptuan se bëhej fjalë për një ngjarje tragjike që i mori jetën kolegut të tyre.
“Para disa orësh kemi marrë informacion për një incident në Korporatën Energjetike të Kosovës, në Termocentralin Kosova B, ku, sipas organeve policore dhe ekipeve mjekësore, është konfirmuar se punëtori Migjen Sadiku ka ndërruar jetë në vendin e punës”.
