Një ngjarje e rëndë ka ndodhur mbrëmë pas mesnatës, rreth orës 01:06, në fshatin Restelicë të Dragashit, ku sipas informatave fillestare zyrtare, dyshohet se një person e ka vrarë nënën e tij, raporton GazetaDemos.
Lajmin e ka konfirmuar zëdhënës i policisë për rajonin e Prizrenit, Shaqir Bytyqi.
I njëjti ka bërë të ditur se i dyshuari është arrestuar nga Policia, dhe se i njëjti që i takon moshës rreth 30 vjeçare, ka pasur probleme të shëndetit mendor.
Ndërsa, viktima e cila dyshohet të jetë nëna e tij, i takon moshës rreth 60-vjeçare.
Siç bëri të ditur Policia, nga ekzaminimi fillestar në vendin e ngjarjes, nuk është vërejtur mjeti me të cilin dyshohet se është kryer vepra penale.
Gjithashtu, Policia shtoi se viktima kishte pësuar disa lëndime në regjionin e kokës.
“Me datën 21.01.2025, rreth orës 01:06, Policia është njoftuar për një rast të vdekjes së dyshimtë në fshatin Restelicë, Komuna e Dragashit. Sipas informatave fillestare, dyshohet se një person mashkull, rreth 30 vjeçar, e ka privuar nga jeta nënën e tij, rreth 60 vjeçare. I dyshuari, sipas të dhënave paraprake, ka pasur probleme të shëndetit mendor. Nga ekzaminimi fillestar në vendin e ngjarjes, nuk është vërejtur mjeti me të cilin dyshohet se është kryer vepra penale, ndërsa viktima ka pësuar disa lëndime në regjionin e kokës.
I dyshuari është arrestuar nga Policia dhe është ndaluar për procedura të mëtejme ligjore. Sektori Rajonal i Hetimeve, në bashkërendim me Prokurorin e Shtetit, është duke ndërmarrë të gjitha veprimet hetimore të nevojshme me qëllim të zbardhjes së plotë të rrethanave të këtij rasti”, tha ai.
