E konfirmon Policia: Rreth 40 të vdekur në tragjedinë në Zvicër

Policia zvicerane ka konfirmuar se nga zjarri që shpërtheu në resortin e skijimit kanë vdekur rreth 40 persona.

Në një konferencë për shtyp, Presidenti i Këshillit Federal të Zvicrës, Guy Parmelin, e quajti zjarrin “një nga tragjeditë më të rënda që vendi ynë ka përjetuar ndonjëherë”, raporton skynews.

Ndërkohë, komandanti i policisë së kantonit Valais, Frederic Gisler, deklaroi se “aktualisht kemi rreth 40 persona që kanë humbur jetën dhe rreth 115 të tjerë të plagosur, shumë prej të cilëve në gjendje shumë serioze. Duke qenë një vendpushim ndërkombëtar, mendojmë se ka viktima ndërkombëtare”.

Ai ka shpjeguar se identifikimi i të vdekurve “mund të marrë disa ditë”.

Flamujt zviceran do të qëndrojnë në gjysmështizë për pesë ditë në nderim të viktimave.