E dhimbshme: Ky është polici që vdiq sot në Prishtinë

Ismet Isufi është zyrtari policor që u gjet i vdekur sot në Prishtinë, pas një vetaksidenti.

Mirëpo, Enis Pllana, zëdhënës i Policisë tha për Klankosova.tv se vdekja e policit dyshohet se erdhi para se të ndodhte aksidenti.

“Sot rreth orës 06:30 në rrugën Zagrebi në Prishtinë, ka ndodhur një aksident trafiku, ku ka qenë e përfshirë një veturë. Njësitet policore dhe emergjenca kanë dalë menjëherë në vendin e ngjarjes, ku nga këta të fundit është konstatuar vdekja e viktimës (zyrtar policor), që dyshohet të ketë ndodhë para aksidentit. Me rastin është duke u marrë Njësia Rajonale e Trafikut, ndërsa hetimet janë në zhvillim për të sqaruar shkaqet e sakta të aksidentit”, konfirmoi Pllana.

Ndërkohë, familjarët e të ndjerit, kanë ndarë telegram ngushëllimi për këtë humbje të papritur.

“Sot për familjen tonë Isufi nga Keqekolla Malësia e Gollakut na erdhë një lajm i papritur. U nda nga jeta djali i axhes, vllau i jonë Ismet Isufi. Ngushëllime të gjithë familjesë tonë, miqëve shokëve e dashamirve tonë. Zoti të mëshiroft o Ismet Isufi! Familjesë tonë zoti i dhashët forcë e gajret. Të gjithë jemi një ditë të bitë e vdekjesë”, thuhet në telegramin e ngushëllimit.

Ende nuk është bërë e ditur data dhe vendi i varrimit të të ndjerit.