Dyshohet për varrezë masive në Zubin Potok, Njësitet Speciale e EULEX-i dalin në terren – dy persona të arrestuar

Njësitet Speciale dhe ekipet e EULEX-it kanë zbarkuar në një lokacionin në Zubin Potok, ku dyshohet për varrezë masive.

Deri më tani, nuk dihen detaje tjera, teksa Policia e Kosovës së fundmi ka njoftuar se ka arrestuar dy persona të dyshuar të përfshirë në krime ndaj popullatës civile gjatë luftës në Kosovë në vitin 1999.

Sipas njoftimit policor, arrestimi është kryer në Zubin Potok, ndërsa të dyshuarit, dy meshkuj kosovarë, dyshohet se gjatë periudhës së luftës kanë kryer veprime kriminale ndaj civilëve shqiptarë, ku si pasojë janë vrarë 23 persona.

Policia nuk ka dhënë detaje të tjera lidhur me identitetin e të arrestuarve apo rrethanat e rastit, ndërsa bëhet e ditur se me vendim të prokurorit të shtetit, të dyshuarit janë dërguar në mbajtje.

Rasti mbetet nën hetim nga organet kompetente.

“Si rezultat i veprimeve policore, janë arrestuar dy të dyshuar meshkuj kosovarë, pasi që dyshohet se gjatë luftës në vitin 1999 kanë kryer krime ndaj popullatës civile, ku janë vrarë 23 civil shqiptarë. Me vendim të prokurorit të dyshuarit janë dërguar në mbajtje.