Donika Gërvalla: Shpresoj që qytetarët e Mitrovicës ta votojnë Faton Pecin dhe ta vlerësojnë kandidaturen e tij

Bashkëkryetarja e partisë Guxo, Donika Gërvalla, e ftuar në televizionin T7, ka deklaruar se pas shumë diskutimeve, Faton Peci ka pranuar të kandidojë për kryetar të Komunës së Mitrovicës.

Ajo ka apeluar tek qytetarët e Mitrovicës që ta përkrahin dhe ta votojnë Pecin, duke e vlerësuar si njërin nga ministrat më të suksesshëm.

“Shpresoj që qytetarët e Mitrovicës ta votojnë Faton Pecin dhe ta vlerësojnë kandidaturën e tij,” u shpreh Gërvalla.

Në vijim, ajo ka bërë të ditur se partia Guxo do të garojë në katër komuna për kryetar dhe me nëntë lista për asamble komunale në gjithë vendin.