Muhamet Musliu e ka pranuar fajësinë në aktakuzën e Prokurorisë Speciale për nxitje të përçarjes dhe mosdurimit.
Ai akuzohet se ka nxitur përçarje mes grupeve fetare (duke shpërndarë narrativë ekstremiste si ato të ISIS-it) që jetojnë në Kosovë përmes Facebookut.
Ai ka lidhur marrëveshje për pranimin e fajësisë me Prokurorinë Speciale.
Gjykata Themelore aprovoi marrëveshjen e fajësisë të lidhur mes Prokurorisë Speciale dhe të akuzuarit Muhamet Musliu, i cili akuzohej për nxitje të përçarjes dhe mosdurimit përmes postimeve në rrjetet sociale.
Sipas marrëveshjes, Musliu është dënuar me një vit burgim me kusht, me detyrimin që brenda tre vitesh të mos kryejë ndonjë vepër tjetër penale.
