Ministri në detyrë, Armend Muja ka vizituar sot komunën e Istogut ku është takuar me bujqit të cilët kanë pësuar dëme nga vërshimet e djeshme.
Të njëjtit kanë paraqitur para tij kërkesat për ndihmë, të cilat thanë se janë jetike për ta.
Njëri prej tyre, madje edhe e paralajmëroi Mujen teksa i tha se nuk janë ndihmuar kur kanë pasur më së shumti nevojë.
“Na kemi pasë dëme edhe më herët, nuk jemi subvencionu, kështu që kasha bë apel këtë vit më u përkrah. Nëse s’përkrahemi këtë vit, e kemi fatkeqësi, po të thom që asnjë zyrtar s’ka me shkel qëtu. Për vizita, s’kisha pas qejf.
Është momenti i fundit që duheni me na përkrah. Vjet s’na ka përkrah kurrkush, kam qejf këtë vit mos me na dëëshpru. Po ju betohem, se nëse kemi fatkeqësi viteve tjera, këtu asnjë zyrtar nuk ka me shkel më”, i tha ai.
