Delegacioni i Lidhjes së Bizneseve të Kosovës, i zhvilloi sot një vizitë zyrtare në Parlamentin e Kantonit të Gjenevës

Delegacioni i Lidhjes së Bizneseve të Kosovës, i kryesuar nga Kryetari Besart Dreshaj, zhvilloi sot një vizitë zyrtare në Parlamentin e Kantonit të Gjenevës, ku u pritëm me nderime nga Presidentja e Parlamentit, znj. Ana Roch.

Gjatë takimit u diskutua për forcimin e marrëdhënieve ekonomike, nxitjen e bashkëpunimit ndërinstitucional, krijimin e mundësive të reja për bizneset e Kosovës në tregun zviceran

Ky takim shënon një hap të rëndësishëm drejt thellimit të partneritetit mes institucioneve të Gjenevës dhe komunitetit të biznesit kosovar, duke hapur horizonte të reja për zhvillim dhe integrim ekonomik.

Me praninë e tyre na nderuan gjithashtu: Tahir Shabani, President i Institutit për Zhvillim dhe Bashkëpunim në Gjenevë dhe Zaim Jashari, Konsulli i Nderit i Maqedonisë së Veriut në Gjenevë

Kryetari Besart Dreshaj falënderoi Presidenten për punën e shkëlqyer që po bën dhe për mundësitë e bashkëpunimit mes dy vendeve.

Presidentja, nga ana e saj, premtoi angazhim të fuqishëm për të mirën e dy vendeve, për fuqizimin e bashkëpunimit ekonomik dhe për promovimin e produkteve të Republikës së Kosovës.

Në fund të takimit, delegacionit iu dorëzuan prodhime nga Korporata Devolli Group dhe nga fabrika “Distileria Fron”, me produktet e njohura Rakia Fron, si simbol i promovimit të prodhimeve kosovare në tregun zviceran.