Gjykata Themelor në Gjilan ka caktuar tashmë masën e paraburgimit ndaj Brahim Demirit, i dyshuar për vrasjen e të birit, të dielën, në shtëpinë e tyre në fshatin Demiraj.
I dyshuari kryesor, fillimisht nuk e ka pranuar veprën me të cilën ngarkohet.
Sipas Klanit, i njëjti ka tentuar ta inskenojë atë që kishte ndodhur.
Në këtë raportim bëhet e ditur se, Demiri ka deklaruar para hetuesve policorë se dy trupat, të djalit dhe të mbesës foshnje (që dyshohet se e mbyti i ndjeri), i ka gjetur të vdekur në dhomë.
“I dyshuari kryesor nuk e ka pranuar fajësinë para policëve. Ai ka deklaruar se nuk është i fajshëm dhe dy trupat i ka gjetur të vdekur në dhomë, ndonëse aty është gjetur një litar. Ai dyshohet se ka tentuar ta inskenojë.”
