Deputeti i betuar i Aleancës për Ardhmërinë e Kosovës, Daut Haradinaj, ka thënë se Albin Kurti po e shfrytëzon qëllimisht propozimin e Albulena Haxhiut për kryetare të Kuvendit për ta mbajtur këtë situatë të bllokuar.
Ai ka bërë thirrje kryetarëtve të PDK-së e LDK0-së që të bashkohen për një mazhorancë “në të ardhmen e afërt” për Kuvend e Qeveri.
“Nuk e pati në plan me dalë, por insistoi shefja. Megjithatë, po shihet qartë që nuk ka vullnet për të bërë një zgjidhje për kryetarin e Kuvendit,” ka thënë Haradinaj në foltoren e Kuvendit.
“Po shihet që s’ka vullnet me bë një zgjidhje. Secili deputet këtu me përvojën minimale që e ka, ka pasë vullnet me bë zgjidhje dhe me iu bashku forcave për të zgjedhur kryetarin e Kuvendit. Shihet qartë që Kurti po e shfrytëzon edhe emrin e Albulena Haxhiut jo pse ndoshta insiston që ajo është zgjidhja, por mendoj se e ka në qëllim që ta çojë deri në pafundësi këtë situatë”.
“Edhe kjo seancë në ora 22:00 s’do të ketë ndonjë zgjidhje tjetër, shihet qartë që s’i ka numrat. Thirrje publike për kryetarin e PDK-së, LDK-së, AAK-së dhe të gjithë atyre që kanë vullnet që me ia ofru një mazhorancë në të ardhmen e afërt Kuvendit dhe ekzekutivit të Kosovës”.
