GazetaDemos pak më parë raportoi ekskulizivisht për vendimin e fundit të Policisë së Kosovës, lidhur me ceremoninë e diplomimit të kadetëve të rinj të gjeneratës 63, e cila do të mbahet më 6 nëntor, me fillim nga ora 16:30, në Sallën "1 Tetori", në Prishtinë.
395 kadetët e rinj janë njoftuar se në këtë ceremoni numri i lejuar i familjarëve të tyre është vetëm dy.
Krejt kjo, sipas arsyetimit të PK-së, të cilin e ka siguruar GazetaDemos, vjen me arsyetimin si në vijim: Salla nuk është plotësisht e lirë dhe nuk zënë shumë njerëzi, secili kadet policor lejohet t'i ketë deri në dy persona/familjarë.
Për këtë vendim, të pakënaqur e të shqetësuar po lajmërohen vetë kadetët.
Njëri/a nga ta, i/e cili/a dëshiroi të mbetet anonim, tha se mundi dhe sakrifica disa mujorshe e tyre për ta kurorëzuar në këtë ceremoni, duhet të ndahet së bashku me familjarët, përkrahësit e tyre në këtë rrugëtim.
