Deputetja e Partisë Demokratike të Kosovës (PDK), Vlora Çitaku, ka reaguar ashpër lidhur me zhvillimet politike rreth procesit për zgjedhjen e presidentit të vendit, duke e cilësuar atë si shkelje të Kushtetutës dhe veprim të qëllimshëm politik.
Çitaku ka thënë se “vetë ideja që, me vetëdije, i hyjnë një procesi për të zgjedhur personin që do të udhëheqë institucionin më të lartë në vend, duke shkelur me të dyja këmbët Kushtetutën, flet shumë për mentalitetin e Albin Kurti.”
Ajo ka kritikuar gjithashtu përfshirjen e dy grave në këtë proces, duke u shprehur se “është për keqardhje që dy gra kanë pranuar të huazojnë emrin e tyre në një maskaradë të rrezikshme dhe antikushtetuese.”