Çfarë ndodhi në restaurant ku dyshohet se ia bëri me shenjë Plavës, deklarohet për herë të parë Naim Murseli

Naim Murseli, Granit Plava dhe Kushtrim Kokalla kanë dalë sot para gjykatës për rastin e vrasjes së Liridona Ademajt.

Derisa Plava dhe Kokalla u larguan nga salla, i dyshuari Naim Murseli po deklarohet para trupit gjykues për njohjen dhe raportin që ai ka pasur me Liridona Ademajn.

I pyetur për Granit Plavën, i cili kishte qenë në restaurantin e njëjtë ku ishte dhe Murseli me Liridonën dhe fëmijët, ky i fundit tha se nuk e kishte parë ndonëse në seancën e kaluar, në pamjet e publikuara u pa edhe momenti kur Murseli i afrohet tavolinës së Plavës, dhe ia bën me shenjë duke prekur fytyrën .

“Ju betohem nuk e kam parë Granitin aty, as fizikisht e as veturën e tij”, deklaroi Naim Murseli.

Granit Plava kishte arritur në restaurant pak minuta para se të arrinte Naim Murseli me familjen e tij. Para se të largohej nga aty ky i fundit, largohet për në tualet, dhe nga pamjet e publikuara nga seanca e fundit, shihet se ia bën me shenjë Granit Plavës kur kalon pranë tavolinës së tij.