“Bonu i fortë, na ke neve” - Familjarja i jep kurajo 65-vjeçarit që dyshohet për vrasje të rëndë

Pasi doli para Gjykatës Themelore në Gjilan një ditë pasi u arrestua për vrasje të rëndë në fshatin Demiraj, një familjare iu afrua 65-vjeçarit për t’i dhënë kurajo pasi ai po largohej pas seancës i prangosur dhe nën përcjelljen e policëve.

“A je mirë?”, e pyeti ai ndërsa burri po largohej nga gjykata, siç dëgjohet në një video të televizionit T7. “Mirë”, ia ktheu.

“Përnjëmend?”, e pyeti sërish ajo. “Mirë mirë”, iu përgjigj 65-vjeçari.

“Bonu i fortë”, ishte mesazhi i fundit i familjares para se policët ta fusnin në veturë.

“Po po”, ia ktheu 65-vjeçari.

Prokuroria Themelore në Gjilan ka kërkuar caktimin e masës së paraburgimit ndaj B.D., i dyshuar për vrasjen e rëndë, në rastin e djeshëm ku u gjetën të vdekur një 27-vjeçar dhe një foshnje tre muajshe në fshatin Demiraj të Gjilanit.