Kandidati i PDK-së për deputet, Bekim Haxhiu ka nisur takimet me qytetarë në lagjen Dardania në Prishtinë, ku prezantoi programin e PDK-së për ndaljen e krizës dhe ndryshimin pozitiv të Kosovës.
Haxhiu tha se gjatë takimeve pati kënaqësinë të takojë shokë të fëmijërisë dhe fqinjë me të cilët, sipas tij, kanë kaluar kohë të mira e të vështira, duke shtuar se asnjëherë nuk janë dorëzuar për ta bërë ndryshimin.
Ai theksoi se fuqia e një populli qëndron te rinia dhe qytetarët, të cilët në zgjedhjet e ardhshme do ta zgjedhin progresin në vend të regresit.
Postimi i tij:
Në lagjen Dardania në Prishtinë filluam takimet me qytetarë për të prezantuar programin tonë për ta ndalur krizën dhe për ta ndryshuar pozitivisht Kosovën.
Kisha kënaqësinë të takoj shumë shokë të fëmijërisë në Dardani, si dhe shumë fqinjë me të cilët kemi kaluar kohë të mira e të vështira. Por asnjëherë nuk jemi ndalur dhe as nuk jemi dorëzuar për ta bërë ndryshimin.
