Bajrami: Që nga dita kur Albin Kurti ka ardhur në pushtet, Kosova ka importuar energji plot 811 milionë euro

Nënkryetarja e LDK-së, Hykmete Bajrami, ka bërë me dije se gjatë Qeverisë Kurti Kosova ka importuar energji elektrike në vlerë plot 811 milionë euro.

Ai ka treguar se ky import paguhet direkt nga qytetarët përmes faturave të energjisë.

Në profilin e saj në “Facebook”, Bajrami ka shkruar se kjo i bije mesatarisht mbi 500 euro për kokë banori.

“Që nga dita kur Albin Kurti ka ardhur në pushtet e deri sot, Kosova ka importuar energji elektrike në vlerë plot 811 milionë euro. Ky import nuk paguhet nga buxheti i shtetit – këtë import e paguajnë direkt qytetarët përmes faturave të energjisë. A e dini sa është kjo mesatarisht? Mbi 500 euro për kokë banori! A e dini ku kanë shkuar këto para tuajat? Te mafia energjetike! Pyetni Albinin kush janë ”mafia energjetike”, se ai i njeh më së miri”, ka shkruar Bajrami.