Bahtiri: Në emër të popullit serb” mund të propozojë vetëm Vuçiqi në Serbi, e jo Igor Simiqi në Kosovë

Deputeti i VV-së, Agim Bahtiri ka reaguar pas deklaratës skandaloze të deputetit nga Lista Serbe, Igor Simiq, i cili e propozoi emrin e Slavko Simic për nënkryetar të Kuvendit në “emër të popullit serb”.

Bahtiri ka thënë se një deklarim i tillë ka vend vetëm në Serbi, e jo në Kuvendin e Republikës së Kosovës

“Në emër të popullit serb” mund të propozojë vetëm Vuçiqi në Serbi, e jo Igor Simiqi në Kosovë! Igor Simiq, sot në Kuvendin e Republikës së Kosovës, propozimin për nënkryetar nuk e bëri në emër të Listës Serbe, por “në emër të popullit serb”, tha ai.

Me këtë rast, Bahtiri kërkojë nga organet e hetuesisë dhe drejtësisë që ta vlerësojnë këtë deklarim dhe kontekstin në të cilin është bërë.

"Në këtë Kuvend jemi të gjithë deputetë të Republikës së Kosovës. Ky gjest i tij është antikushtetues. Si deputet, kërkoj nga organet e hetuesisë dhe drejtësisë që ta vlerësojnë këtë deklarim dhe kontekstin në të cilin është bërë. Ligji duhet të jetë i barabartë për të gjithë", tha ai.