Kryetari i Këshillit Kombëtar Shqiptar në Luginën e Preshevës, Enkel Rexhepi, ka reaguar pas publikimit të listës së 400 zjarrfikësve të rinj nga Ministria e Punëve të Brendshme e Serbisë, duke pretenduar se asnjë shqiptar nuk është përzgjedhur në komunat me shumicë shqiptare.
Sipas Rexhepit, në Preshevë, ku mbi 95 për qind e popullsisë është shqiptare, janë punësuar dy serbë dhe asnjë shqiptar. Ndërkaq, në Bujanoc, ku shqiptarët përbëjnë mbi 62 për qind të popullsisë, janë punësuar tre serbë dhe asnjë shqiptar.