Një 43-vjeçar nga Gjakova është arrestuar në Rinas me qëllim ekstradimi drejt Spanjës, në kuadër të operacionit ndërkombëtar “The Wanted”.
Sipas Policisë së Shtetit, B. B., me banim në Amsterdam, u arrestua pas koordinimit mes Policisë Kufitare dhe Interpol Tiranës.
Autoritetet spanjolle kanë caktuar ndaj tij masën “arrest me burg”, nën dyshimin për veprat penale “Trafikim të lëndëve narkotike” dhe “Pjesëmarrje në organizatë kriminale”.
“Nga hetimet e zhvilluara nga Policia Gjyqësore Spanjolle është bërë i mundur identifikimi i një organizate kriminale të qëndrueshme, e cila dyshohet se merrej me trafikimin e kokainës, e vendosur kryesisht në Costa del Sol dhe me aktivitet në zona të ndryshme të territorit kombëtar”, thotë Policia shqiptare.
