Kryeministri në detyrë, Albin Kurti është deklaruar lidhur me zhvillimet e fundit në vend, kryesisht themelimin e institucioneve si dhe qëndrimet e fundit të Lidhjes Demokratike të Kosovës, me të cilën ishte në bashkëbisedim për çështjen e lartëcekur, raporton GazetaDemos.
Sipas pikëpamjes së tij, Kurti thotë se Abdixhiku, të cilin ndër tjera e quajti edhe mik, është dashur të futet në bashkëqeverisje me marrëveshjen që ky ia ofroi, pasi riceku se përkundër rezultatit, marrëveshja ishte e bollshme.
"E ndjeka mbrëmë qëndimin e deklaratën publike të mikut tim, kryetarit të LDK-së, Lumir Abdixhiku, i cili tha se LDK do të qëndrojë në opozitë. Unë besoj që LDK është dashur të vij në bashkëqeverisje, ta kemi një marrëveshje politike. Nuk është e thënë të jetë identike me rezultatin e zgjedhjeve, por deformim i rezultatit nuk mund të jetë. Oferta për LDK-në nuk është pak", tha ai.
