Aksident tragjik në Austri, Valon Berisha pa nga afër vdekjen e kushëririt

Reprezentuesi i Kosovës, Valon Berisha, ishte dëshmitar i një aksidenti tragjik që ndodhi të dielën në mëngjes në Austri.

Mediumi austriak “ Krone “, ka shkruar se një 38-vjeçar me shtetësi zvicerane, kushëriri i tij nga Rothrist në Aargau, doli nga rruga me furgonin e tij pranë stacionit të pushimit në Lindach, Laakirchen, dhe u përplas ballë për ballë me një barrierë druri, duke humbur jetën.

Berisha po ngiste makinën direkt përpara furgonit të aksidentuar dhe e vuri re incidentin në pasqyrën e pasme.

“Ai u ndal menjëherë, vrapoi në vendngjarje, ofroi ndihmën e parë së bashku me dëshmitarë të tjerë dhe thirri shërbimet e emergjencës. Pas përpjekjeve rreth 30-minutëshe për ringjalljen e viktimës, ai u shpall e vdekur”, bën të ditur mediumi.

Po ashtu FC Zürich ka shprehur ngushëllimet e tij për familjen e viktimës dhe thotë se e mbështet Valon Berishën në këtë situatë të vështirë.