Afro një orë zjarrfikësit në ”betejë” me zjarrin në Lipjan

Tash e një orë zjarrfikësit po përballën me zjarrin që përfshiu një depo në Lipjan.

GazetaDemos po qëndron në vendin e ngjarjes ku nga atje solli edhe pamje ku përveç zjarrfikësve shihen edhe Policia :

GazetaDemos nga tereni merr vesh se si shkak i këtij zjarri janë përfshirë dy kompani.

Lajmi për zjarrin u konfirmua edhe nga Policia e Kosovës, ku zëdhënsja, Flora Ahmeti, ka bërë të ditur se rasti është raportuar rreth orës 16:30.

Në përgjigjen e policisë theksohet edhe se në të dhënat fillestare raportohet vetëm për dëme materiale.

‘‘Sot rreth orës 16:30, kemi pranuar informatën për një incident zjarri në një objekt në rrugën Ibrahim Rugova në Lipjan.

Menjëherë në vendin e ngjarjes kanë dalë policia dhe zjarrfikësit të cilët po merren me rastin.

Bazuar në të dhënat fillestare raportohet vetëm për dëme materiale’’, thuhet në përgjigjen e policisë.