13 vjet më parë, më 29 nëntor 2012, Gjykata Ndërkombëtare për Krime Lufte në ish-Jugosllavi, ka shpallur të pafajshëm Ramush Haradinajn, Lahi Ibrahimaj dhe Idriz Balaj.
Lideri i AAK-së, Ramush Haradinaj publikoi një video ku shiheshin fytyrat publike në atë kohë që patën realizuar një kampanjë për lirimin e tij.
“Populli shqiptar, të gjitha shtresat e tij pa dallim, besuan! Mirënjohje e përjetëshme të gjithë atyre që ngritën zërin dhe i thanë JO padrejtësisë. I mbaj në kujtesë e zemër njerëzit e vullnetit të mirë që përmes kampanjave të ndryshme u bashkuan rreth kauzës për dritë, drejtësi e liri”, shkroi Haradinaj sipër videos.