A ka mundësi të lirohen ish-krerët e UÇK-së, nëse përdoren kriteret e gjyqit si ndaj Ramush Haradinajt, flet avokati Koci

Avokati Arianit Koci ka reaguar lidhur me procesin gjyqësor ndaj ish-drejtuesve të Ushtrisë Çlirimtare të Kosovës, Hashim Thaçi dhe të tjerëve, duke argumentuar se përgjegjësia penale nuk mund të mbështetet vetëm në faktin se të akuzuarit kanë qenë pjesë e drejtimit të UÇK-së.

Koci, përmes një postimi, ka theksuar se për secilin të akuzuar duhet të provohet veçmas se ka ndarë qëllimin e pretenduar kriminal dhe se ka kontribuar konkretisht në realizimin e tij.

“Nuk mjafton që kanë qenë drejtues të UÇK-së. Nuk mjafton as fakti se diku, dikush, ka kryer një krim.”

Postimi i tij i plotë:

Nuk mjafton që kanë qenë drejtues të UÇK-së. Nuk mjafton as fakti se diku, dikush, ka kryer një krim.

Duhet të provohet, për secilin veçmas, se e ka ndarë qëllimin e pretenduar kriminal dhe se ka kontribuar konkretisht në realizimin e tij.

Tribunali nuk e gjeti të provuar këtë lidhje në rastin e Ramush Haradinajt, të cilin e shpalli të pafajshëm edhe në rigjykim.

Nga ajo që është bërë publike gjatë procesit gjyqësor ndaj Hashim Thaçit dhe të tjerëve, kjo lidhje nuk është provuar.

Prandaj, nëse zbatohen të njejtat kritere si te rasti i komandantit Ramush Haradinaj, pres që të katërt të lirohen!