Një vajzë e vogël nga Kosova, Dinora Jashari 8 vjeçe, po përballet me një betejë të rëndë për jetën.
Ajo ka pësuar gjakderdhje në tru dhe aktualisht ndodhet në gjendje kritike në kujdes intensiv në Prishtinë.
Sipas familjarëve, mjekët nuk po guxojnë ta kryejnë operacionin në Kosovë dhe kanë rekomanduar transferimin urgjent në Shqipëri, pasi çdo minutë është jetike për jetën e saj.
Operacioni që mund t’ia shpëtojë jetën kushton rreth 32,500 euro, një shumë e papërballueshme për familjen. Ndërhyrja, sipas tyre, nuk mund të realizohet pa u kryer paraprakisht pagesa.
Njoftimi i plotë: Të dashur miq,
Po ju drejtohemi për një ndihmë urgjente.
Dinora Jashari, një vajzë e vogël vetëm 8 vjeçe, po lufton për jetën. Ajo ka pësuar gjakderdhje në tru dhe ndodhet në gjendje kritike në kujdes intensiv në Prishtinë. Mjekët nuk po guxojnë ta operojnë këtu dhe kanë kërkuar transferim urgjent në Shqipëri, sepse çdo minutë është jetik.