Milaim Çekaj, i mbijetuari i Masakrës së Dubravës ka qenë i ftuari i radhës në emisionin n’Demos, ku rrëfeu një prej ngjarjeve më të dhimbshme të historisë drejt rrugës së çlirimit të vendit.
Çekaj ka treguar për sfidat e mbijetesës në burgun e Dubravës, teksa shpërtheu në lot kur kujtoi shokët që nuk i mbijetuan barbarëve serbë.
“Shpesh e pyes veten si kemi mujtë me mbijetu, thjeshtë është një mrekulli e perëndisë.
Në një intervistë për “Al Jazeera”, më kanë tradhtuar edhe lotët…e ndjej edhe njëfarë ndjenje…(qanë)…s’mundem me shpjegu se pse këta njerëz s’e kanë merituar jetën…kanë qenë shumë të rinj, njerëz që i kam njohur, e kam ndarë kafshoren me ta, edhe sot nuk janë. Fatkeqsisht, ka prej tyre që ende nuk i janë gjetur eshtrat”, tha Çekaj.
Ai shtoi se përjetimet e tyre janë të dhimbshme, teksa shprehu se ende vazhdon të ndjej fajësim ndaj vetes për humbjen e shokëve, duke shtuar se të paktën do të mund të kontribuonin në dënimin e fajtorëve.
