Aktivitet për nder të mbështetjes ndaj krervëve të UÇK-së që po mbahen në Hagë “7 Zona, 7 Zjarre, Një Luftë, Një Kujtesë, Drejtësi”, këtë të mërkurë do të mbahet në Jezerc nga ora 19:00.
Kështu ka njoftuar ish-komandanti i Zonës Operative të Nerodimës, Shukri Buja, i cili kërkoi nga qytetarët "të mblidhemi së bashku për të evokuar kujtimet e luftës, sakrificën dhe rrugëtimin tonë për lirinë e Kosovës".
Njoftimi i plotë nga Shukri Buja:
Të nderuara familje të dëshmorëve,
bashkëluftëtarë të nderuar të Zonës Operative të Nerodimës!
Pas takimit me kryetarët e OVL-UÇK-së të Ferizajt, Kaçanikut, Hanit të Elezit, Shtimes dhe Shtërpcës, dhe në dakordim me platformën “Liria ka Emër”, ju ftojmë në një tubim të përbashkët, i cili zhvillohet në kuadër të aktiviteteve:
“7 Zona, 7 Zjarre, Një Luftë, Një Kujtesë, Drejtësi”
Tubimi do të mbahet më 9 shtator 2026, në Jezerc, te shkolla, nga ora 19:00.
Të mblidhemi së bashku për të evokuar kujtimet e luftës, sakrificën dhe rrugëtimin tonë për lirinë e Kosovës.
Do të mblidhemi rreth një zjarri të ndezur, i cili simbolizon zjarrin e luftës për liri ,atë zjarr që na bashkoi në ditët më të vështira dhe që sot na kujton sakrificën e dëshmorëve dhe amanetin e tyre.
Sot, më shumë se kurrë, kemi nevojë të jemi bashkë.
