GazetaDemos para pak mintuash ka raportuar për të shtëna me armë zjarri. Lajmin tashmë e ka konfirmuar edhe Policia e Kosovës.
Siç bëhet e ditur në konfirmimin e tyre, ngjarja ndodhi rreth orës 12:00, në rrugën “Fahri Fazliu”, teksa një 29-vjeçar tentoi të ikën nga organet e rendit.
Me këtë rast ka zyrtarët policorë kanë përdorur edhe armën e zjarrit.
Teksa i dyshuari gjatë ikjes ka shkaktuar edhe një aksident.
Njoftimi i Policisë:
Sot, rreth orës 12:00, në rrugën “Fahri Fazliu”, zyrtarët e Njësisë për Realizimin e Urdhëresave kanë tentuar të ndalojnë personin e kërkuar L.K. (1996) derisa ishte në një veturë në rrugën e sipërshënuar. I dyshuari ka refuzuar urdhrat policorë dhe ka arritë të largohet duke rrezikuar zyrtarët, njëri nga të cilët në përpjekje për ta ndaluar të dyshuarin ka përdorë edhe armën zyrtare. Personi i dyshuar ka arritë të largohet duke shkaktuar një aksident trafiku me të lënduar dhe dëme materiale.
Lidhur me rastin janë njoftuar institucionet kompetente.
VIDEO: Pamje nga vendi i ngjarjes
