Qeveria në detyrë e drejtuar nga Albin Kurti ka vendosur t’ua ndajë nga 100 euro të gjithë studentëve.
Lidhur me këtë vendim ka reaguar kandidatja e PDK-së për kryetare të Pejës, Arta Vokshi-Nallbani.
“Nëse ishte masë përkrahëse pse nuk u bë më herët kur studentët përballeshin me kosto të larta jetese gjatë gjithë vitit?
Mbështetja për të rinjtë është gjithmonë e mirëseardhur, por ajo duhet të jetë pjesë e një politike të qëndrueshme, jo një mjet për të fituar simpati elektorale në momentet e fundit. Studentët meritojnë respekt dhe investim të vazhdueshëm, jo vetëm kujdes të përkohshëm kur afrohen votimet.
Populli nuk është naiv si po i mendoni!”, shkroi Vokshi-Nallbani.
