Kur pritet të fillojë subvencionimi i bujqve dhe si është procesi i pagesës për ta, Ministria e Bujqësisë jep detaje

Ministria e Bujqësisë ka bërë me dije se procesi i pagesës së subvencioneve është i njëjtë me vitin e kaluar.

Në një përgjigje të ministrisë për Indeksonline bëhet me dije se bujqit me rastin e aplikimit për subvencione, përveç aplikimit për sipërfaqe, në të njëjtin aplikacion do t’iu kalkulohet subvencionimi për naftën dhe plehërat.

“Shuma e subvencionimit llogaritet varësisht nga sipërfaqet e deklaruara të bujqve. Kompenzimi i plehërimit bëhet për kulturat e grurit, misrit, patates dhe fasules. Aplikimi pritet të nis gjatë këtij muaji”, thuhet ndër të tjera në këtë përgjigje.

Kujtojmë se javën e kaluar kryeministri Kurti dhe ministri Peci kanë prezantuar ndihmat që janë dhënë për bujqit.