Dy persona të moshës 11 dhe 31-vjeç kanë mbetur të plagosur sot në Shtërpcë, pasi janë gjuajtur më armë zjarri nga një i panjohur, shkruan GazetaDemos.
Të lënduarit kanë pranuar trajtim mjekësor dhe janë jashtë rrezikut për jetë.
“Dy të lënduarit për ndihmë mjekësore janë dërguar në Qendrën e Mjekësisë Familjare në Shtërpcë dhe pas marrjes së ndihmës së parë në Shtërpcë, për tretman të mëtutjeshme mjekësor janë dërguar me autoambulancë për në Graçanicë. Të dy të plagosurit, nga informacionet që kemi, janë jashtë rrezikut për jetë”, thuhet në komunkatën e Policisë.
Ndërkaq, i dyshuari për plagosjen e tyre tashmë është arrestuar nga Policia.
“Policia Rajonale e Ferizajt, pas një pune intenzive hetimore , grumbullimit të informacioneve në terren kanë identifikuar e më pas kanë arrestuar të dyshuarin A.K (M/K) i moshës 33 vjeçar”, thuhet në njoftimin e Policisë.
GazetaDemos merr vesh se i dyshuari për plagosjen e tyre është ushtari i FSK-së, A.K. (emër i njohur për redaksinë).
Demos ka kontaktuar me xhaxhain e të dyshuarit, H.K., dhe i njëjti tha se për momentin ndodhet në stacionin policor në Ferizaj.
Lexo edhe: