Maqedonci takon kryesinë e Shoqatës Shqiptare-Amerikane të Zbatimit të Ligjit

Ministri i Mbrojtjes, Ejup Maqedonci, ka pritur në takim kryesinë e Shoqatës Shqiptare – Amerikane të Zbatimit të Ligjit.

Siç ka njoftuar Maqedonci, gjatë takimit u diskutua për situatën e sigurisë, zhvillimet në fushën e mbrojtjes, të sigurisë dhe të zbatimit të ligjit.

“Me kryetarin Elton Shametaj diskutuam për situatën e sigurisë, zhvillimet në fushën e mbrojtjes, sigurisë dhe zbatimit të ligjit, angazhimin e bashkë-atdhetarëve në institucionet e zbatimit të ligjit në SHBA si dhe mundësitë e bashkëpunimit”, ka shkruar ai në Facebook.

Ministri Maqedonci ka theksuar se bashkatdhetarët tanë anembanë botës kanë qenë ndihmesa më e madhe e jona gjithmonë.

Tutje, në takim është thënë se bashkatdhetarët vazhdojnë të jenë kontribuues të rëndësishëm të ekonomisë dhe të sigurisë së Kosovës, përmes dhurimit në Fondin e Sigurisë, krahas investimeve në vend.