Gruaja e këngëtarit të ndjerë Andrej demanton Toshkovskin: Mjetet piroteknike nuk i solli bendi “DNK”

Gruaja e këngëtarit tashmë të ndjerë të bendit “DNK”, Andrejt, Natalija Gjorgjieska përmes një shkrimi në rrjetet sociale ka mohuar deklaratat e ministrit të Punëve të Brendshme, Pançe Toshkovski, i cili sot tha se mjetet piroteknike në diskon “Puls” në Koçan, ishin dërguar nga grupi “DNK”.

“Janë të rreme njoftimet se bashkëshorti im është në mjekim shtëpiak dhe se mjetet piroteknike i ka sjellë bendi, ju lutem MOS MBRONI DIKË QË DUHET TË JETË PRAPA GRILAVE! Si bashkëshorte dhe nënë e një fëmije të mitur, tregoni pak dhembshuri, po ashtu edhe për familjen dhe miqtë tuaj të afërt…”, ka shkruar ajo mes tjerash.