Akoma asnjë i arrestuar për vrasjen në Prishtinë – i dyshuari ende në arrati

Krimi i mbrëmshëm rreth orës 22:25 në Prishtinë, ku dy persona të armatosur e të maskuar, gjuajtën me armë zjarri në drejtim të dy vikitimave, me çrast nga plagët e marra njëri prej të plagosurëve humbi jetë, ka tronditur të gjithë vendin.

Viktima e rastiti mbeti Naser Gashi, rreth të 60-ave, për të cilin mjeku kujdestar i Emergjencës në QKUK, Agron Çitaku, bëri të ditur se erdhi me plagë në gjoks dhe pothuajse pa shenja jete.

Mirëpo, ani pse kanë kaluar më shumë se 12 orë që kur ka ndodhur krimi, i dyshuari Alban Gashi, vazhdon të jetë ende në arrati.

Kështu kanë konfirmuar edhe nga Prokuroria Themelore në Prishtinë.

“Nuk ka asnjë të arrestuar për rastin. Prokurori i Shtetit në bashkëpunim dhe koordinim me organet e Policisë janë duke ndërmarrë masa dhe veprime të nevojshme hetimore mbi këtë rast”, thuhet në përgjigjen e Prokurorisë.