Ekipi i xhudos kosovare viziton kullën e Gllogjanit, pritet nga Ramush Hardainaj

Pas vizitës në Prekaz, te varrezat e komandantit legjendar Adem Jashari dhe familjes së tij, ekipi i xhudos kosovare ka vizituar edhe kullën e Gllogjanit.

Të udhëhequr nga trajneri Driton Kuka e kampionia olimike, Majlinda Kelmendi, dy xhudistet që fituan medalje në Lojërat Olimike ”Paris2024”, Distria Krasniqi e Laura Fazliu, së bashku me Akil e Nora Gjakovën, vizituan kullën e Gllogjanit dhe varret e dëshmorëve, Luan e Shkelzen Haradinaj.

Ata u priten nga vëllau i dëshmorëve, Ramush Haradinaj, i cili i uroi për suksesin që arritën në Paris.

”Suksesi i Kosovës në Olimpiadën e Parisit është edhe një dëshmi se vendi ynë ka një brez të artë xhudistësh që po i’a lartësojnë emrin kudo në botë, kjo falë punës së mahnitshme të mjeshtrit të madh, Toni Kuka dhe ekipit të tij. Kënaqësi që sot t’i pres në Gllogjan dhe t’i përgëzoj për suksesin.Faleminderit Driton Kuka, Majlinda, Distria, Laura, Nora, Akil dhe Loriana! Nderuat Kosovën dhe të gjithë shqiptarët.”, ka shkruar Haradinaj