Oda e Mjekëve të Kosovës ka reaguar pas vdekjes së mjekut nga Gjakova, Mentor Salihi, i cili humbi jetën pas ditësh trajtim në QKUK si pasojë e aksidentit të autombulancës në të cilën ndodhej edhe ai, shkruan GazetaDemos.
“Detyra e mjekut si shpëtimtar jete, bëri që Dr. Salihi të ishte në autoambulancën që u aksidentua ditë më parë në Gjakovë”, thuhet mes tjerash në njoftimin e tyre.
Njoftimi i plotë:
Ndahet nga jeta Dr. Mentor Salihi
Dr. Mentor Salihi, anëtar i OMK-së, doktor i mjekësisë, i punësuar në QKMF, në Gjakovë.
Dr. Salihi kishte përfunduar studimet për mjekësi të përgjithshme në Universitetin “Hasan Prishtina”, në vitin 2021.
Detyra e mjekut si shpëtimtar jete, bëri që Dr. Salihi të ishte në autoambulancën që u aksidentua ditë më parë në Gjakovë.
Oda e Mjekëve të Kosovës i shpreh ngushëllimet më të sinqerta familjarëve, miqve dhe kolegëve të tij.