Cili ishte roli i Shqipërisë së Enver Hoxhës në çështjen e Kosovës? Flet Bedri Islami

I ftuari i radhës në emisionin “n’Demos”, Bedri Islami ka shpalosur rrëfime e informacione të periudhave të ndryshme të historisë shqiptare.

Islami ka shpjeguar rolin e udhëheqësit të Shqipërisë, Enver Hoxha karshi Kosovës dhe zhvillimeve që ndodhnin nën sistemin jugosllav.

“Enver Hoxha e ka pritur ’81. Ramiz Alia thotë se ne tjerët nuk e dinim, por Enveri e dinte, pra ka qenë gjithëmonë një hap përpara të tjerëve. Në çështjen e Kosovës, Enveri duhet trajtuar në dy pamje, në atë që është thënë dhe në atë që është realizuar. Pra ka ekzistuar gjithëmonë një plan për Kosovën e cila është hartuar nga Veli Llakaj, në atë kohë shef i shtabit të përgjithshëm, Naser Berberi që ka qenë zëvendësministër nën drejtimin e Mehmet Shehut. A do të bëhej realitet apo jo, kjo është një çështje tjetër, por që ka ekzistu si plan, ka ekzistuar”, është shprehur ai, përcjell GazetaDemos.

Sips tij, një nga vitet më të rëndësishme të çështjes shqiptare ka qenë viti 1981, ku në atë vit ndodhi një fuqizim i ndjenjës patriotike.

“I gjithë veriu i Shqipërisë, por edhe jugu, njerëzit kanë qenë të përgatitur për një përballim të një gjendje të jashtëzakonshme. Në vitin 1981 ndodhi zgjimi i ndërgjegjes së njerëzve nga brenda Shqipërisë për Kosovën, në atë vit edhe ata që nuk e donin Enver Hoxhën e donin çështjen e Kosovës, u ringjall ndjenja për Kosovën në një mënyrë të jashtëzakonshme, sepse u ringjall Kosova. Kosova ka pasur fat se nuk ka humbur asnjë brez në qendresën e saj ndaj Serbisë. Ramiz Alia i bëri të gjithë njerëzit në Shqipëri të besojnë se Shqipëria e ka seriozisht për Kosovën”, ka deklaruar Islami.

Emisionin e plotë me rrëfimet e Bedri Islamit mund ta ndiqni këtu: