Më në fund edhe Franca ka dhënë një qëndrim për aplikimin e Kosovës në Këshillin e Europës, duke thënë ndër të tjera se ky vendim i takon Kosovës si shtet sovran.
Ambasada nuk dha një qëndrim të qartë, duke thënë se Kosova është sovrane dhe vendimi për anëtarësim i takon asaj, por në fund përmend veprimet e njëanshme, njëjtë sikur ambasadori francez në Beograd.
“Vendimi për të aplikuar në Këshillin e Evropës i takon Kosovës si shtet sovran. Kosova është e destinuar të bëhet anëtare”, thuhet në shkrimin e ambasadës franceze.
“Prioriteti aktual është rinisja e dialogut ndërmjet Serbisë dhe Kosovës i cili do të kontribuojë në afrimin e tyre europian dhe në stabilizimin afatgjatë të Ballkanit. Ne u bëjmë thirrje të dyja palëve që të investojnë plotësisht në këtë dhe të përmbahen nga çdo veprim i njëanshëm që mund të nxisë tensionet”, përfundon njoftimi.