Ambasadori Dugolli: I trishtuar nga sulmi i tmerrshëm terrorist në New Orleans

Ambasadori i Kosovës në Shtetet e Bashkuara të Amerikës, Ilir Dugolli, ka reaguar pas sulmit në New Orleans ku mbetën të vdekur 10 persona.

Dugolli tha se është thellësisht i trishtuar nga sulmi i tmerrshëm terrorist në ditën e Vitit të Ri.

“Ngushëllimet më të sinqerta për viktimat, familjet e tyre dhe mbarë komunitetin, teksa përballen me pasojat e kësaj tragjedie të tmerrshme”, shkroi Dugolli.

I dyshuari la të vdekur së paku 10 persona dhe 30 të tjerë u lënduan pasi hyri me veturë mes një turme njerëzish dhe më pas shtiu me armë zjarri.

Bëhet e ditur se pas një përleshjeje zjarri me policinë, i dyshuari është vrarë.

I am deeply saddened by the heinous terrorist attack in New Orleans on this New Year’s Day. My thoughts and heartfelt condolences go out to the victims, their families, and the entire community as they grapple with the aftermath of this devastating tragedy.

— Ilir Dugolli (@IlirDugolli) January 1, 2025