Presidenti serb, Aleksandar Vuçiq, ka thënë se kur bëhet fjalë për votimin për anëtarësimin e Kosovës në Këshillin e Evropës, nuk ka pritje të tepruara.
Ai tregon se Britania e Madhe “ka marrë stafetën” në fushatën për ta realizuar këtë.
Ai thotë se sipas vlerësimeve të tij në Këshillin e Evropës Kosova ka nga 29 deri në 33 vota.
Dhe 31 vota mjaftojnë për shumicën e tyre. Por dua t’u them njerëzve, sado e vështirë të jetë, në këto momente do të shohim se cilët janë miqtë tanë të vërtetë, pavarësisht se çfarë na thonë të tjerët. Sa qesharake është kur dikush nga fqinjët të thotë se këtë po e bëjmë për Serbinë, jo për ne. Kjo është e mirë për Serbinë. Mos të lutem, se ti e di më mirë se ne. Ju nuk e doni Serbinë më shumë se ne. Dhe ky vend nuk ka nevojë për tutor. Populli i këtij vendi e di shumë mirë se çfarë është e mirë për ta dhe çfarë jo”, ka thënë Vuçiq.
Ai, si zakonisht nuk ka lënë pa thënë për konsum të brendshëm, “se Serbia do të luftojë”.
Sa i përket Rezolutës për gjenocidin në Srebrenicë e cila po përgatitet të votohet në Asamblenë e Përgjithshme të OKB-së, Vuçiqi ka pretenduar se: “Nuk i kam pyetur rastësisht amerikanët, pasi e di që amerikanëve u intereson shpjegimi i Marrëveshjes së Dejtonit, nuk kisha nevojë të pyes britanikët. Ata nuk kam pse t’i pyes asgjë, atyre nuk u intereson. Por unë i pyes edhe një herë amerikanët, të dashur partnerë amerikanë, pse lejuat shkeljen brutale të Marrëveshjes së Paqes të Dejtonit? Sepse unë e di që ata e dinë se kjo është një shkelje brutale e Marrëveshjes së Paqes të Dejtonit. Ndërsa partnerët tanë britanikë, gjermanët, nuk i pyes asgjë. Unë vetëm po kërkoj nga amerikanët të më përgjigjen”, ka thënë Vuçiq.
“Por edhe një ditë pas kësaj, ne nuk do të jemi të turpëruar. Ne nuk do të shkatërrojmë dhe njollosim imazhin tonë. Të nesërmen do t’i veshim trengjyrëshat tona serbe, do t’i varim në shtëpitë tona, do të ecim me krenari nëpër rrugë, jo vetëm të vendit tonë, por të të gjitha qyteteve të botës dhe si një popull liridashës që vuajti tmerrësisht në Luftën e Parë Botërore dhe në Luftën e Dytë Botërore dhe “në konfliktet e viteve nëntëdhjeta”, që disa të tjerë të më shesin mend për atë se kush ka kryer gjenocid”, ka theksuar Vuçiq.