Mbrëmjen e së premtes në moshën 59-vjeçare është ndarë nga jeta Ali Zasella.
Zasella për kohë të gjatë ishte portier i skuadrës KF Birlik, në vitet e 80-ta e 90-ta, ndërsa më pas ishte edhe drejtues e donator i kësaj skuadre.
Zasella ka dhënë kontribut edhe në sportet e tjera në qytetin e Mitrovicës.
Zasellën e ka kujtuar edhe Federata e Futbollit e Kosovës.
“Me pikëllim të madh e morëm lajmin për ndarjen nga jeta të më të dashurit tuaj Ali Zasella. Ikja e hershme e Aliut nga kjo botë ka lënë zbrazëti të madhe në familjen tuaj, por edhe në familjen e gjerë të futbollit. Aliu njihej si njeri i urtë, i palodhshëm e këmbëngulës në arritjen e objektivave dhe personalitet me vlera të mëdha intelektuale e humane, andaj si i tillë do të kujtohet përherë. I lehtë i qoftë dheu i Kosovës!”, thuhet në telegramin e ngushëllimit të FFK-së.